سلسلة تدوينات حدث في الغربة (الحلقة الثالثة)
3- في الزجاجة سم ٌناقع
حدثني رغاي بن إنسان أنه
كان يا ما كان في نفس المدينة التي يعيش فيها المدرسين السبعة (السابق الكلام عنهم في الحلقة الثانية ) وفي نفس الزمان , في شقة المدرسين المصريين الغرباء ال حضروا من بلاد بعيدة عشان يلموا الإرشنات ال في البلاد دي .
طبعا قبل ما ييجوا من بلادهم ال فيها ماية الشرب من الحنفية ما كنوش يتخيلوا إن في بلاد بتشرب مياه بفلوس و ما ينفعش تشرب من الحنفية المهم عشان ما نطولش عليكم بعد ما صدموا من هول المفاجآة الخاصة بأن مياه الشرب لابد من شراءها , كان كل واحد من السبعة ليه زجاجة المياه الخاصة بيه عشان لما تخلص يروح يملاها بنفسه و بفلوسه لأن ملاءها صعب نظرا ً لأنهم السبعة لا يملكون سيارة في بلاد مترامية الأطراف و طبعا توجد صعوبة في عملية ملء المياه الخاصة بالشرب ناهيك عن ثمنها فكل منهم له راتبه و جاي عشان يحوش مش عشان يجيب مياه سبيل للآخرين وبعدين اه الحصل .كان فيه من السبعة واحد مش بيحب يملى لنفسه طيب الحل اه يا ترى , يقوم وهو عطشان يروح على الثلاجة (طبعا الثلاجة مشتركة للجميع و التي تم تقسيمها من الداخل على السبع مدرسين ) ويفتحها و يشوف أي زجاجة مياه مليانة وياخدها ويشربها كلها و يتركها فاضية في الثلاجة ,يقوم يجي صاحب الزجاجة يفتح الثلاجة ليشرب من زجاجته فيفاجاء بأنها فاضية . يصيح و يهيج يا جماعة عيب كدة حرام عليكم ال بيحصل ده , ويتكرر الموقف أكثر من مرة حتى يسقط في يد صاحب القارورة ويبحث عن حيلة ليتخلص من هذا الطفيلي ال بيشرب زجاجته . المهم ربنا هداه انه يكتب على الزجاجة بتاعته إن هذه الزجاجة" فيها سم ٌ ناقع ". وبالفعل عاد ثاني يوم ليجد الزجاجة فارغة و مكتوب عليها "السم ده لذيذ أوي عاوز منه على طول" .ودمتم سالمين
ليست هناك تعليقات:
إرسال تعليق