النهاردة هتكلم عن شوية قصص عن المصريين بالغربة وكلها قصص طريفة لكن تكسف و اللهي و إليكم القصص :
1- الدكتور و الدكتورة
كان في يوم من الأيام دكتور و دكتورة يعملان بإحدى الجامعات المصرية وبعدين لقوا الدخل مش مكفي ففكروا ليه ما يزودوش دخلهم عن طريق السفر لإحدى الدول الخليجية الغنية بالبترول و بالتالي يؤمنوا مستقبل أولادهم , وبالفعل سافروا لدولة من هذه الدول و مرت السنين وهما الإثنين بيشتغلوا وكل واحد منهم ليه راتب ما شاء الله يتجاوز ال 20000 جنيه مصري بالشهر يعني اصبحوا في بحبوحة من العيش .لكن الغريب انهم كانوا ماشيين بنظام ظريف أوي وهو إنهم كل شئ يشتروه أو ينفقوه في الغربة يتقاسموا ثمنه لأن مفيش حد أحسن من حد- تنفيذا للنظرية العلمية العظيمة البنت زي الولد مهيش كمالة عدد - بدل كل واحد منهم ليه مرتبه وحسابه في البنك ليه يستغل الثاني و يحوش ويبلطج على قفا الأخر!!!!!!!!!!!!!!!!!! . المهم كانوا مشيين على هذا النظام و عايشين في سكينة و مودة ,وفي يوم شمسه لم تشرق راح الدكتور المحترم ليحضر ماء للشرب – معلومة: في هذه الدولة الخليجية الماء الخاص بالشرب بيتم ملء القارورة ال 20 لتر بما يعادل تقريبا جنيه مصري – وبالفعل أحضر 4 قوارير من الماء . طيب كويس ليه بأأ ما طلعش لليوم ده شمس , صبركم بالله شوفوا الجاي . حساب ال4 قوارير كام كدة . بحسبة بسيطة حسابهم تقريبا ما يعادل 4 جنيه مصري , طيب كل واحد منهم عليه كام. طبعا هيكون كل واحد منهم عليه ما يعادل 2 جنيه مصري طيب كويس , قام الدكتور قالها يا دكتورة انا جبت المياه خلاص , قوم إه :ردت عليه في قمة الرومانسية تسلم يا حبيبي , قوم إه قالها تعيشي ليا دايما يا حبيبيتي . لكن انا عاوز نصيبك من المياه وهو ال 2 جنيه . وهنا طارت الرومانسية وقالتله طيب ما تصبر هو أنا هاطير . قوم إه: رد عليها وقالها معلش أصل عاوز اقفل حساباتي لو سمحتي , قوم إه : قالتله معيش فكة الآن . قوم إه: رد عليها وقالها أتصرفي أو هاتي انا افكلك , قوم إه: ردت انت إنسان مادي و مش هديك أي حاجة , قوم إه: رد عليها يا حبيبيتي ما تكبريش الموضوع ما أنتي كنزهم على قلبك أد كدة أنا مش عاوز أتكلم , قوم إه : ردت إنت انسان حقود و ومادي. قوم إه :رادد انتي ال إنسانة طفيلية وعايزة تعيشي سفلأة على قفايا , لكن لأأأأأأأأأأأ أنا قفايا شبع خلاص ومن هنا ورايح في نظام جديد معاكي , قوم إه :قلتله أعلى ما في خيلك إركابه . قوم إه رادد بلاش تعندي معايا يا حسن اروحك مصر وهناك أفاكي بأ هيأمر عيش , قوم إه :قلتله لو كنت راجل إعملها قالها كدة طيب أنتي طالق بالثلاثة !!!!!!!!!!!!!!!! وريني بأ هتعدي إزاي هنا بعد ما طلقتك – معلومة هذه الدولة الخليجية تشترط وجود محرم مع المرآه في حالة وجودها داخل الدولة – وهكذا قام الدكتور ثاني يوم بالذهاب للجامعة وبلغ انه قام بتطليق زوجته الدكتورة ويجب ترحيلها طبقا للقوانين المعمول بها داخل دولتكم , وهنا بدأت الجامعة تجري اتصالاتها بالدكتورة بضرورة تجهيز أوراقها للسفر , ولكن الدكتورة طالبتهم بإعطائها فرصة لعدة شهورة حتى تستطيع إنهاء كل متعلقاتها و السفر وبعد إنقضاء شهور العدة فاجأت الدكتورة الجامعة انها تملك إقامة شرعية الآن حيث تزوجت حديثاً من شخص أخر مقيم بنفس الدولة ويعمل بالجامعة وعند إستفسار الجامعة عن ذلك الشخص , أخبرتهم انه عم بسيوني الفراش !!!!!!!!!!!!!!!!!!!!!!!!!!
وهكذا أنتهت قصة الدكتور و الدكتورة في بلاد الغربة , ودمتم سالمين .
ليست هناك تعليقات:
إرسال تعليق